SAN SADURNIÑO ENERXÍA
San Sadurniño Enerxía
San Sadurniño Enerxía é a comunidade enerxética local que impulsan o Concello de San Sadurniño e a veciñanza. Constituíuse como asociación sen ánimo de lucro o 28 de agosto de 2026, coa sinatura dos estatutos e da acta fundacional. Xa podes asociarte: é gratuíto, sen permanencia e sen ningún compromiso económico.
Un proxecto colectivo para reducir a factura da luz, coidar do planeta e fortalecer a nosa comunidade.
AGORA TÓCACHE A TI: FAITE SOCIO/A
A comunidade enerxética xa está constituída. Canta máis xente participe, mellores condicións poderemos negociar e máis enerxía haberá para repartir entre as persoas socias.
Asociarse é gratuíto, sen permanencia e sen ningún compromiso económico.
Non tes que facer obras nin cambiar de compañía eléctrica · É compatible co bono social · Podes darte de baixa cando queiras
Tamén podes asociarte presencialmente ou chamando ao 677 737 321 · oficina@enerxia.eu
Consumo agregado de enerxía
O consumo agregado de enerxía consiste en unir fogares, negocios e persoas dun mesmo territorio para sumar demanda eléctrica e buscar mellores condicións de subministración de maneira colectiva.
En lugar de que cada persoa xestione o seu contrato por separado, a comunidade organiza o consumo de forma conxunta para analizar facturas, detectar oportunidades de aforro e acceder a condicións máis vantaxosas.
É unha maneira sinxela de empezar a participar nunha comunidade enerxética, xerando beneficios sen necesidade de contar desde o inicio cunha instalación propia.
A través deste modelo pódese:
* Buscar aforro na factura eléctrica
* Mellorar condicións de contratación
* Sumarse á forza do grupo
* Acceder a novos servizos enerxéticos compartidos
Queres empezar a aforrar?
Cubre o formulario e envía a túa factura. Faremos un estudo da túa situación e nos contactaremos contigo.
Que é San Sadurniño Enerxía?
San Sadurniño Enerxía é unha asociación sen ánimo de lucro que permite:
- Producir e consumir enerxía renovable de forma colaborativa.
- Aforrar na factura eléctrica grazas á negociación colectiva e ao autoconsumo compartido.
- Impulsar a economía local e crear emprego verde.
- Contribuír á loita contra o cambio climático.
- Empezar polo consumo agregado, sen obras nin agardar por ningunha subvención.
- Instalar, máis adiante, enerxía solar nas cubertas municipais: o estudo analiza 17 edificios, cun potencial de 609 kW, e todas as 1.725 vivendas do concello quedan dentro do radio de 2 km dalgunha instalación.
Novas
Mércores 23 de setembro, ás 19:00 h, na Casa da Cultura. Primeira convocatoria pública desde a constitución da asociación: entrada libre e alta gratuíta.
O venres 28 de agosto asináronse os estatutos e a acta fundacional. San Sadurniño Enerxía queda constituída como asociación sen ánimo de lucro e abre o prazo de alta de persoas socias.
Vinte persoas participaron na asemblea do 13 de agosto na Casa da Cultura, na que se acordaron as persoas que integrarán a primeira Xunta Directiva da comunidade enerxética.
O xoves 13 de agosto, ás 20:00 h, na Casa da Cultura, presentarase San Sadurniño Enerxía e constituirase a asociación. Entrada libre e alta gratuíta.
Non atopas o que buscas?
Se tes dúbidas ou queres saber máis:
Contacta con nós aquí.
Promove e financia
Este proxecto está impulsado polo Concello de San Sadurniño e cofinanciado pola Xunta de Galicia, a Unión Europea (FEADER), o Ministerio de Agricultura, Pesca e Alimentación e o GDR Seitura 22, a través da Intervención Leader (AGADER).
