Que é?
Que é Enerxía.eu?
Enerxía.eu é un proxecto impulsado por Permae en colaboración con Flinq, que nace para achegar ás persoas unha nova maneira de producir e consumir enerxía: máis sostible, máis xusta e máis local.
Queremos que a enerxía deixe de ser algo distante e pase a formar parte das decisións das persoas, dos barrios, das vilas e dos concellos.
En Enerxía.eu sabemos que xuntos podemos cambiar o xeito no que producimos e usamos a enerxía.
Imaxina compartir a enerxía do sol cos teus veciños e reducir xuntos a factura da luz. Apostar polo futuro está nas túas mans, e nós estamos aquí para acompañarte.
A nosa misión
- Impulsar comunidades enerxéticas locais que xeren beneficios reais para as persoas e para o planeta.
- Promover o autoconsumo colectivo como ferramenta para reducir custos, democratizar a enerxía e fortalecer o tecido social.
- Facer da transición enerxética un proxecto de todos, integrando valores como a sustentabilidade, a participación cidadá e a economía circular.
Que ofrece unha comunidade enerxética?
- Xerar e consumir enerxía renovable de proximidade, como a solar ou a eólica.
- Reducir ata un 30% a factura da luz grazas ao autoconsumo compartido.
- Participar activamente na xestión da enerxía, empoderando a cidadanía.
- Coidar do planeta, apostando polas renovables e reducindo as emisións.
- Impulsar a economía local, xerando actividade e creando emprego no territorio.
- Acceder a axudas públicas que poden cubrir entre o 20% e o 60% do custo das instalacións.
O NOSO TRABALLO BASÉASE NUN ACOMPAÑAMENTO INTEGRAL:
- Escoitamos as túas necesidades e analizamos as mellores opcións técnicas e organizativas.
- Deseñamos proxectos personalizados, adaptados á realidade de cada comunidade.
- Facilitamos a tramitación administrativa, legal e de subvencións.
- Formamos e dinamizamos aos membros, para garantir comunidades fortes e sostibles no tempo.
Un exemplo real:
Imaxina que o teu concello instala paneis solares no pavillón polideportivo.
A enerxía que non consume o propio pavillón repártese entre 100 vivendas próximas, que aforran na súa factura e gañan independencia enerxética.
Todo iso sen modificar a rede de distribución existente e aproveitando a normativa de autoconsumo colectivo.
Este é o tipo de transformación que queremos impulsar con Enerxía.eu: enerxía limpa, compartida e ao servizo das persoas.
«Un futuro sostible está nas nosas mans.
Súmate ao cambio con Enerxía.eu.»
