Convocatoria para a Constitución da Asociación «Coirós Enerxía»

O Concello de Coirós ten o pracer de anunciar a creación da asociación » Coirós Enerxía», co obxectivo de proporcionar aforros na factura da luz á comunidade local. Esta iniciativa, inspirada no modelo de Comunidade Enerxética presentado anteriormente, representa un avance significativo na procura de solucións enerxéticas sostibles e accesibles para os cidadáns de Coirós.

A constitución oficial da asociación » Coirós Enerxía» terá lugar o día 29 de abril ás 20:00 horas no Centro Social de Coirós. Convócanse a todas as persoas interesadas, así como aos representantes do Concello, a asistir a esta importante reunión.

A asociación » Coirós Enerxía» ten como obxectivo principal promover o uso de enerxías renovables e sostibles na comunidade, co fin de reducir os custos de enerxía e contribuír ao coidado do medio ambiente. Esta iniciativa enmárcase dentro do compromiso do Concello de Coirós de proporcionar un maior benestar e calidade de vida aos seus cidadáns, ao tempo que fomenta a sostibilidade e a eficiencia enerxética.

Durante a reunión de constitución, presentarase un plan detallado sobre como a asociación » Coirós Enerxía» levará a cabo as súas actividades, así como as oportunidades de participación para os residentes locais. Invítase a todos os asistentes a compartir ideas e contribuír ao éxito desta iniciativa comunitaria.

Para máis información e confirmación de asistencia, por favor chamar ao teléfono 981 796 414 ou enviar un correo a secretaria@coiros.es.